Јапонците изнајмуваат пријатели и роднини за свадба за да го пополнат списокот на поканети и прикријат фактот дека и немаат кого да поканат.

При организација на венчавка во Јапонија, освен вообичаените подготовки како одбирањето на ресторан, бенд, фотографии и цвеќе, младоженците многу често изнајмуваат и лажни пријатели,па дури и роднини со цел да го пополнат списокот на гостите.

За изнајмување на колеги, пријатели, па и роднини, во Јапонија постојат специјализирани компании кои се занимаваат со оваа дејност. Тие имаат изработено и ценовник на изнајмување на гостите, кој варира од важноста и функцијата на гостинот, како и од тоа дали ќе одржи говор и слично.

Колеги на пример најчесто изнајмуваат Јапонците кои неодамна останале без работа, а не сакаат да се дознае за тоа. Гости изнајмуваат и младенци на кои во последен момент гостите им откажале присуство или пак оние со голема разлика меѓу гостите од страната на невестата или младоженецот. Неодамна некој младоженец изнајмил 30 гости, бидејќи му било втора венчавка и не сакал на неа да присуствуваат оние од првата.